Rossiya Federasiyasining Ufa shahrida boks bo‘yicha "IBA Chempionlar oqshomi" o‘tkazildi.
Turnirda uch nafar charm qo‘lqop ustamiz - Bobousmon Baturov, Azizbek Abdug‘ofurov va Ulug‘bek Sobirov ham ringga chiqdi. Afsuski, ularning bari raqiblariga imkoniyatni boy berib qo‘ydi.
Supero‘rta vazn toifasida 10 raund kechgan jangda Azizbek Abdug‘ofurov rossiyalik Leon Antonyanga, o‘rta vaznda 8 raundlik jangda Ulug‘bek Sobirov yana bir mezbon bokschi Pavel Sosulinga, yarim o‘rta vaznda 6 raund to‘liq davom etgan bahsda Bobousmon Baturov ring egasi Danis Gabdrafikovga ochkolar hisobiga ko‘ra yutqazib qo‘ydi.
