"Брентфорд" бош мураббийи Томас Франкга яна "Ливерпуль" қизиқиш билдирмоқда. Юрген Клопп ўзининг бўлажак кетишини эълон қилганидан кўп ўтмай, миш-мишлар данияликни мерсисайдликлар билан боғлашди.
TeamTalk хабарига кўра, "Ливерпуль" яна Франкни тайинлаш ҳақида ўйламоқда. 50 ёшли мутахассис "қизиллар" бошқарувидаги асосий номзодлардан бирига айланиши мумкин.
Томас Франк 2018 йилнинг октябридан бери "Брентфорд"да ишлайди. Унинг “арилар” билан амалдаги шартномаси 2027 йилнинг ўрталарига қадар тузилган. Айни дамда "Брентфорд" Премьер-лига турнир жадвалида 15-ўринни эгаллаб турибди.
