"Brentford" bosh murabbiyi Tomas Frankga yana "Liverpul" qiziqish bildirmoqda. Yurgen Klopp o‘zining bo‘lajak ketishini e’lon qilganidan ko‘p o‘tmay, mish-mishlar daniyalikni mersisaydliklar bilan bog‘lashdi.
TeamTalk xabariga ko‘ra, "Liverpul" yana Frankni tayinlash haqida o‘ylamoqda. 50 yoshli mutaxassis "qizillar" boshqaruvidagi asosiy nomzodlardan biriga aylanishi mumkin.
Tomas Frank 2018 yilning oktyabridan beri "Brentford"da ishlaydi. Uning “arilar” bilan amaldagi shartnomasi 2027 yilning o‘rtalariga qadar tuzilgan. Ayni damda "Brentford" Premyer-liga turnir jadvalida 15-o‘rinni egallab turibdi.
