"Манчестер Юнайтед" дам олиш кунларида "Ковентри"ни пенальтилар сериясида мағлуб этиб, Англия кубоги финалига чиқди.
Расмус Хёлунд ҳал қилувчи пенальтини амалга оширгач, Антони провокацион тарзда байрам қилди. У “Ковентри” футболчиларига юз ўгирди ва қўлларини қулоқларига қўйди, эҳтимол, рақиб жамоа мухлисларига мурожаат қилгандир.
"Манчестер Юнайтед" бош мураббийи Эрик тен Хаг матбуот анжуманида Антонининг гол нишонлаши ҳақида фикр билдирди.
"Уни ғазаблантиришди, лекин у бундай муносабатда бўлмаслиги керак эди. Сиз провокацияни кўрмадингиз, фақат унинг реакциясини кўрдингиз.
У бундай қилмаслиги керак эди. Аммо мен Магуайрнинг нима қилганини ҳам кўрдим", деди Тен Хаг.
