"Фейеноорд" бош мураббийи Арне Слот "Ливерпул"нинг янги бош мураббийи бўлиши мумкин. Эслатиб ўтамиз, жорий мавсум якунида Юрген Клопп "мерсисайдликлар" бош мураббийлигини тарк этади.
Инсайдер Фабрицио Романонинг сўзларига кўра, "Ливерпуль" нидерландиялик мутахассис билан музокара олиб борган. Манбага кўра, томонлар яна бир учрашув ҳақида келишиб олган.
33-турдан сўнг "Ливерпуль" Англия Премьер-лигаси турнир жадвалида иккинчи ўринда бормоқда. Жамоа ҳисобида 74 очко бор.
24 апрель куни "Ливерпуль" АПЛнинг 29-туридан ўрин олган ўйинда "Эвертон" билан меҳмонда учрашади. Учрашувнинг бошланиши Тошкент вақти билан 23:59га белгиланган.
