Англия чемпионатининг 29-туридан ўрин олган қолдирилган ўйинда “Манчестер Юнайтед” ўз майдонида “Шеффилд Юнайтед”ни қабул қилиб, 4:2 ҳисобида ғалаба қозонди. "Шеффилд" бош мураббийи Крис Уайлдер бу мағлубиятни "мавсумнинг одатий ҳикояси" деб атади.
"Бу бизнинг мавсумга хос воқеа. Ҳаммаси яхши бўлган пайтда ўйинлар ўтказдик. Аммо бугунгидек дамлар ҳам бор эди. Кучсиз ҳимоя туфайли яна тушкунликка тушдик. Ҳимоячиларим майдонда нима қилаётганини доим ҳам тушунмасдим. Ҳакамларнинг айрим қарорлари мени ҳам ҳайратда қолдирди. Улар бизга жуда осон пеналти беришди. Жарима майдончасидаги бундай тўқнашувлар одатий ҳол", дея Уайлдернинг сўзларидан иқтибос келтиради BBC Sport.
Жамоа Англия чемпионати турнир жадвалида охирги, йигирманчи ўринни эгаллаб турибди.
