Англия чемпионатининг 29-туридан ўрин олган қолдирилган ўйинда “Кристал Пэлас” ўз ютуқли йўлини тасдиқлади – олдинги ўйинда “Ливерпул”ни мағлуб этганидан сўнг, навбатдаги муваффақият “Ньюкасл”га қарши ўйинда кузатилди.
Оливер Гласнер шогирдлари "зағизғонлар" дарвозасига жавобсиз иккита гол уриб, мураббийини ҳайратда қолдирди.
"Футболчиларни, уларнинг спорт маҳорати ва майдондаги бирдамлигини алоҳида қайд этаман. Уларнинг тинимсиз ҳужумлари мени ҳайратда қолдирди, лекин бунда томошабинларнинг хизматлари катта.
Улар ажойиб муҳит яратди. Биз ақл бовар қилмас голлар урдик", - дея Гласнернинг сўзларини келтиради BBC Sport.
