"Монца" дарвозабони Микеле ди Грегорио "Ювентус" билан келишувга эришди.
26 ёшли футболчига "Милан" ҳам қизиқиш билдирган, аммо "Ювентус" футболчи учун курашда ғалаба қозонган. Инсайдер Николо Скира хабарига кўра, "кекса синьора" раҳбарияти дарвозабон билан принципиал келишувга эришган. Ди Грегорио Турин клуби билан 2029 йилгача шартнома имзолашга тайёр. Италиялик футболчининг маоши йилига 2 миллион еврони ташкил қилади ва унга бонуслар қўшилади.
Ди Грегорио "Интер" тарбияланувчиси ҳисобланади. 2022 йилда "Монца" 4 миллион евродан сал кўпроқ тўлаб, "нерадзуррилар"дан дарвозабонни сотиб олди.
