"Monsa" darvozaboni Mikele di Gregorio "Yuventus" bilan kelishuvga erishdi.
26 yoshli futbolchiga "Milan" ham qiziqish bildirgan, ammo "Yuventus" futbolchi uchun kurashda g‘alaba qozongan. Insayder Nikolo Skira xabariga ko‘ra, "keksa sinyora" rahbariyati darvozabon bilan prinsipial kelishuvga erishgan. Di Gregorio Turin klubi bilan 2029 yilgacha shartnoma imzolashga tayyor. Italiyalik futbolchining maoshi yiliga 2 million yevroni tashkil qiladi va unga bonuslar qo‘shiladi.
Di Gregorio "Inter" tarbiyalanuvchisi hisoblanadi. 2022 yilda "Monsa" 4 million yevrodan sal ko‘proq to‘lab, "neradzurrilar"dan darvozabonni sotib oldi.
