«Интер» бош директори Жузеппе Маротта Ромелу Лукаку билан шартнома имзоламаганлиги ҳақидаги саволга жавоб берди.
Бельгиялик форвард ўтган мавсумни «нерадзуррилар» сафида ўтказди ва клуб уни «Челси»дан қайта ижарага олишга тайёр эди, бироқ футболчидан рад жавобини эшитди.
Натижада Лукаку «Рома»га ўтди ва унинг ўрнига Маркус Тюрамни қўлга киритган «Интер» бу мавсум Скудеттони кафолатлади.
"Лукакунинг "йўқ" дегани бизга ёрдам бердими? Эҳтимол, биз ҳақиқатан ҳам омадлимиз - ҳаётда омад доимо муҳимдир.
Ҳужум бошқача кўринишда бўлиши мумкин эди, лекин биз нимага қодир эканимизни билардик", — дея Мароттанинг сўзларини келтиради журналист Даниэле Мари.
