"Байер" бош директори Фернандо Карро келажаги ноаниқ футболчи ким эканлигини маълум қилди.
“Биз Та билан шартномани узайтириш ниятидамиз. Клубимиз ўз футболчиларини текинга қўйиб юбормайди: биз уларнинг шартномасини узайтирамиз ёки сотамиз. Биз Жонатан билан суҳбатлашдик, биз буни жуда қадрлаймиз.
У клуб ва барчамиз уни жамоада олиб қолишни исташимизни тушунади. Лекин бизда ҳам унинг ўз танловини ҳурмат қилишдан бошқа иложимиз йўқ. Кўрамиз, у биз билан қоладими ёки кетадими. Унинг қолишига умид бор", - деди функционер.
Жорий мавсумда 28 ёшли марказий ҳимоячи барча турнирларда 41 та ўйин ўтказиб, 6 та гол урди ва 1 та голли узатмани амалга оширди. Унинг "доричилар" билан шартномаси 2025 йилнинг июнигача мўлжалланган.
