Нуфузли инсайдер Фабрицио Романо ижтимоий тармоқларда ҳужумчи Мэйсон Гринвуднинг келажаги ҳақида маълумот берди.
22 ёшли футболчи ҳозирда "Хетафе"да ижарада ўйнамоқда - ўтган йили "Манчестер Юнайтед" зўравонлик айбловлари билан боғлиқ жанжалдан сўнг ҳужумчини асосий жамоага қайтармасликка қарор қилган эди, гарчи бу айбловлар олиб ташланган бўлса ҳам.
Романонинг сўзларига кўра, "Манчестер Юнайтед"нинг устувор варианти бу ёзда Гринвудни сотиш бўлади.
Бироқ якуний қарор мавсум охирида қабул қилинади. Шу билан бирга, "қизил иблислар" учун Гринвуднинг трансфери молиявий фэйр-плей нуқтайи назаридан муҳим бўлиши таъкидланган.
