Тахминан бир ҳафта олдин Лиссабоннинг “Спортинг” клуби бош мураббийи Рубен Аморим Англияга учиб кетди.
Аввалроқ португалиялик мутахассис "Вест Хэм" билан музокаралар олиб бораётгани ҳақида хабар берилганди.
Бироқ журналист Педро Сепулведа Аморимнинг чиптасини "Челси" тўлагани ҳақида маълумотга эга.
Айнан шу клуб бошқаруви аъзолари билан мураббий инглиз заминида учрашди. Сепулведанинг қайд этишича, Аморимнинг "Вест Хэм" билан музокаралари ҳақидаги хабарлар сохта бўлиб чиққан.
"Спортинг" бош мураббийи "Челси" билан гаплашди, чунки Маурисио Почеттино мавсум охирида истеъфога чиқарилиши мумкин.