«Барселона», «Милан», «ПСЖ», «Манчестер Юнайтед» ва Швеция терма жамоасининг собиқ ҳужумчиси Златан Ибраҳимович ўз агенти Мино Райоланинг вафоти ҳақида гапирди.

"Агентим Мино Райола оламдан ўтганида, бу мен учун катта зарба бўлди. Кўз ёшларим тугагунча йиғладим.

Менда у билан боғлиқ кўплаб хотиралар бор эди. Бу мени жуда хафа қилади, чунки мен уни жуда соғиндим. У билан мени таниган ҳар бир киши биз қанчалик яқин эканимизни тушунади.

Агар у мени ўқиса, энди унга нима ёзардим? "Мен сизни соғиндим", дея Ибраҳимовичнинг сўзларини келтиради AB Talks.

Футбол агенти Мино Райола 2022-йилнинг 30-апрелида 54 ёшида касалликдан сўнг вафот этди. Унинг мижозлари орасида Златан Ибраҳимович, Эрлинг Холанд, Пол Погба, Генрих Мхитарян, Блез Матюиди, Марко Верратти, Жанлуижи Доннарумма каби футболчилар бор эди.