"Манчестер Юнайтед" Майкл Олисега қизиқиш билдирмоқда.
ESPN хабарига кўра, манкунианликлар келаси ёзда “Кристал Пэлас”ни тарк этиши мумкин бўлган вингерга асосий даъвогар саналади.
22 ёшли футболчининг шартномасида товон пули кўзда тутилган, аммо у ҳақида аниқ маълумот йўқ. Бир манбага кўра, гап 50 дан 60 миллион фунт стерлинггача бўлган миқдор ҳақида кетмоқда. Франциялик футболчини сотиб олиш тўғрисидаги банд мавсум охирида кучга киради.
Олисега қизиқиш билдираётган клублар орасида "Арсенал", "Челси" ва "Ливерпуль" бор.
Жорий мавсумда вингер АПЛда 16та ўйин ўтказиб, 7та гол урди.
