“Байер” “Рома”ни мағлуб этиб, ғалабасиз ўйинлар сериясини бузди.
Европа лигаси ярим финалида Хаби Алонсо шогирдлари римликлар дарвозасига иккита гол уриб, ўз дарвозаси дахлсизлигини сақлаб қолди.
Аввалги учта ўйинда леверкузенликлар рақиблари билан дуранг ўйнаганди: “Вест Хэм” ва Дортмунднинг “Боруссия”си билан 1:1, “Штутгарт” билан 2:2.
Жорий мавсумда “Байер” 47 ўйинда бирорта ҳам мағлубият аламини тотиб кўрмади. Унинг ҳисобида 39 ғалаба ва 8 дуранг бор.
5 май куни улар Бундеслига доирасида Франкфуртнинг “Айнтрахт” жамоасига қарши баҳс олиб боради.
