Марк Клаттенбург "Ноттингем Форест"даги маслаҳатчи лавозимидан истеъфога чиқди.
Премьер-лиганинг собиқ ҳаками шу йилнинг февраль ойида "Ноттингем"да маслаҳатчи лавозимини олганди.
Унинг тайинланиши ҳакамлар билан “ўзаро алоқа ва муносабатларни яхшилаш” зарурати билан изоҳланганди.
49 ёшли мутахассис бугун истеъфога чиқди ва "Ноттингем"ни тарк этди. У бу лавозимда 77 кун ишлаган.
Бу вақт ичида клуб бир неча бор Премьер-лигадаги ҳакамлар иши бўйича баҳсларга аралашди, хусусан, "Ноттингем" Премьер-лиганинг 34-тури доирасидаги "Эвертон" билан ўйинда (0:2) ҳакамликдан ғазабланди.
