Килиан Мбаппенинг фикрича, "ПСЖ" Чемпионлар лигаси финалига чиқишга қодир.

Париж клуби Чемпионлар лигаси ярим финалининг илк учрашувида Дортмунднинг “Боруссия”сига имкониятни бой берди (0:1). Жамоалар ўртасидаги жавоб ўйини 7 май куни "Парк де Пренс" стадионида бўлиб ўтади.

“Сешанба кунги ўйин яхши ўтадими? Ҳа шундай деб ўйлайман. Мен аллақачон бунга тайёрланяпман.

Босим? Бу нормал ҳолат, чунки Чемпионлар лигаси финалидаги ўрин хавф остида, бу муҳим. Айниқса, ушбу турнирдаги клуб тарихини эсласангиз.

Биз босим остида эканлигимиздан хабардормиз, аммо жамоа жуда хотиржам. Биз ўзимизга ишонамиз ва камбэк қилиб, финалга чиқишимиз мумкинлигини биламиз”, - деди “ПСЖ” ҳужумчиси.