Чоршанба оқшомида Мадриднинг “Реал” клуби Европа Чемпионлар Лигаси ярим финал жавоб ўйинида “Бавария”ни қабул қилади.
Suddeutsche Zeitung газетаси хабарига кўра, Мадрид гранди ўйинга машҳур собиқ "Бавария" дарвозабони Оливер Канни таклиф қилган. Аммо мюнхенликлар ўз афсонасини таклиф қилишни истамади.
Қарийб бир йил аввал Оливер Кан “Бавария” бошқаруви раҳбари лавозимидан бўшатилган эди. Истеъфо мюнхенликлар чемпионлик унвонини қўлга киритгандан сўнг дарҳол юз берди.
Кан ҳатто Бундеслига чемпионлигини қўлга киритганидан кейин "Бавария" унга жамоа билан байрам қилишни тақиқлаганини айтган эди.
