Чоршанба оқшомида "Реал Мадрид" ва "Бавария" ўртасида Чемпионлар лигаси ярим финалининг жавоб учрашуви бўлиб ўтади.
Transfer News Live нашри журналист Аранча Родригесга таяниб хабар беришича, "Сантьяго Бернабеу" стадиони томи ёпилади.
Бу об-ҳаво шароити (Мадридда иссиқ ва қуёшли) билан эмас, балки «қаймоқранглилар»нинг «Бавария» учун душманлик муҳитини яратиш истаги билан боғлиқ. Бу орқали мухлисларнинг қўллаб-қувватлови яна ҳам оширилади.
Дарвоқе, “Реал” Чемпионлар лигасининг аввалги босқичида “Манчестер Сити”га қарши ўз уйида ҳам худди шундай ҳийла ишлатганди. Ўйин 3:3 ҳисобида дуранг билан якунланди.
