Мадриднинг “Реал” клуби марказий ҳимоячиси ва сардори Начо Фернандес мавсум якунида ҳамон эркин агент сифатида жамоасини тарк этмоқчи. Журналист Фабрицио Романо берган маълумотларга кўра, 34 ёшли испаниялик келажакдаги режаларини ўзгартирмаган.
Манбага кўра, Начо фаолиятини АҚШ ёки Саудия Арабистонида давом эттириш ниятида. Англия Премьер-лигасидан жамоага ўтиши мумкинлиги ҳақидаги сўнгги миш-мишларга қарамай, Начо, барибир, Европада қолмайди.
Эслатиб ўтамиз, Начо 1 июнь куни фаолиятидаги олтинчи Чемпионлар лигаси кубогини қўлга киритиши мумкин. Бунинг учун "Реал" финалда "Боруссия Дортмунд"ни мағлуб этиши керак.
