Мадриднинг “Реал” клуби ҳужумчиси Винисиус Жуниор бу йил “Олтин тўп”ни қўлга киритиши мумкинлиги ҳақидаги гапларига жавоб берди.
“Ҳамма “Олтин тўп” ҳақида гапиряпти, лекин мен жуда хотиржамман. Бу жамоа билан яна Чемпионлар лигасида ғалаба қозонишни истайман. Бу мавсумда мен катта муваффақиятларга эриша оламан, кейин эса Америка кубоги учун Бразилия терма жамоаси ихтиёрига боришим мумкин. Мен доим биринчи навбатда жамоалар ҳақида, кейин эса ўзим ҳақимда ўйлайман", - деди Винисиус Goal билан суҳбатда.
1 июнь, шанба куни Чемпионлар лигасининг финал ўйини бўлиб ўтади. "Реал Мадрид" ва "Боруссия" жамоалари "Уэмбли" стадионидаги майдонда кубок учун курашади.
