"Барселона" марказий ҳужумчи Роберт Левандовскининг келажаги борасида якуний қарорга келгани йўқ. Бу ҳақда Sport.es нашри журналистлари хабар бермоқда.
Раҳбариятни 35 ёшли полякнинг юқори маоши қониқтирмаяпти. Клуб футболчини ёзги трансфер ойнасида сотишга мойил. Бунинг эвазига клуб маошлар бюджетини жиддий равишда енгиллаштира олади.
Роберт "Барселона" сафига 2022 йилда келиб қўшилган. Томонлар ўртасидаги амалдаги шартнома 2025/2026 йилги мавсум охирида якунига етади. Жорий мавсумда Левандовски 45 та ўйин ўтказиб, 24 та гол ва 9 та голли узатмани амалга оширди.
