Гари Нэвилл Эрик тен Хагнинг "Манчестер Юнайтед"даги келажаги ҳақида ўз фикри билан ўртоқлашди.
"Мен Тен Хагга муносиб ўринбосарни кўрмаяпман. “Бавария” ҳам, бошқа жамоалар ҳам мураббийига ўринбосар топишда қийналмоқда.
Ўйлайманки, биз Тен Хагни сақлаб қолишимиз ва унга яна бир мавсум - жароҳатларсиз мавсум учун имкон беришимиз керак.
"Юнайтед" ўтган мавсумда кубокни қўлга киритиб, кучли тўртликдан ўрин олган пайтларига қайтиши мумкинми ёки йўқми, билмайман.
Ўйинчилар ва менежерлар сўнгги 10 йил ичида "Олд Траффорд"га мослашишда қийинчиликларга дуч келишди. Бу ўйинчилар ва мураббийлар "Юнайтед" билан шартнома имзолаганларида дастлаб ажойиб эдилар", - деди "манкунианликлар"нинг собиқ ҳимоячиси.
