"Манчестер Юнайтед"нинг собиқ футболчиси Неманья Видич Англия премьер-лигасининг энг кучли уч нафар ҳимоячиси номини маълум қилди.

“Ҳозирги энг яхши ҳимоячилар? Мен ёшлар ҳақида гапиришни яхши кўраман. "Тоттенхэм"дан Микки ван де Вен.

У тез, кучли ва яккама-якка курашларда яхши. У тараққиёт учун катта имкониятларга эга. Шунингдек, "Арсенал" дуети Габриэль ва Уильям Салиба ҳам яхши.

Уларни кузатар эканман, улар ҳимояланишни ва ўз дарвозаси дахлсизлигини сақлаб қолишни исташларини ҳис қиламан.

Менга уларнинг менталитети ёқади ва улар биргаликда яхши ўйнашади, бу муҳим", - деди Видич Times нашрига.