"Реал Мадрид" ярим ҳимоячилари Тони Кроос ва Лука Модрич "қироллик клуби"да қолиши мумкин. Журналист Фабрицио Романонинг хабарларига кўра, сўнгги пайтларда тарқалган миш-мишларга қарамай, футболчиларнинг келажаги бошқа ўйинчиларнинг тақдирига боғлиқ эмас.
Модрич ва Крооснинг шартномалари ёзда тугайди, "Реал Мадрид" раҳбарияти ҳали иккала ярим ҳимоячининг режалари борасида бир қарорга келмаган. Футболчилар яна бир мавсум учун жамоада қолиши эҳтимоли бор.
34 ёшли Кроос Испания чемпионатининг жорий мавсумида битта гол ва 7 голга ассистентлик қилди. 38 ёшли Модрич Ла Лиганинг ушбу мавсумида иккита гол ва 6 голга ассистентлик қилди.
