"Бавария" ярим ҳимоячиси Жошуа Киммих ёзги трансфер ойнасида жамоасини тарк этиши мумкин. Журналист Керри Хоу берган маълумотларга кўра, немис футболчиси клуб раҳбариятидан ишора кутишда давом этмоқда.

Футболчи келажакдаги режалар ва ўйин фалсафаси бўйича аниқлик олиш учун музокаралар олиб бориш ниятида. Жошуани нимадир қониқтирмаса, ёзда у бошқа жамоага ўтишни талаб қилади.

2025 йилнинг июлида Киммихнинг "Бавария" билан шартномаси тугайди, шунинг учун Мюнхен клуби кейинчалик уни текинга йўқотмаслик учун сотишга мажбур бўлади.

Ярим ҳимоячига "Манчестер Сити", "Арсенал" ва "Барселона" каби клублар қизиқиш билдираётгани ҳақида аввалроқ хабар берилган эди.