"Реал" бош мураббийи Карло Анчелотти чап қанот ҳимоячиси Ферлан Мендини ёзда қўйиб юборишни истамаяпти. Relevo хабарига кўра, италиялик мутахассис жамоа "Бавария"дан Альфонсо Дэвис трансферини якунлаган тақдирда ҳам франциялик футболчини ўзида сақлаб қолмоқчи.
Аввалроқ, "Реал" Мендини ёзда сотиши мумкинлиги, чунки футболчининг шартномаси 2025 йилда якунига етиши ҳақида хабар берилганди. Бироқ "қироллик клуби" бош мураббийи 2019 йилдан буён "Реал"да тўп тепаётган Ферланни ўзида сақлаб қолиш ниятида.
28 ёшли Менди Ла Лиганинг ушбу мавсумида 22 та ўйин ўтказди.