Мадриднинг “Реал” клуби ва Колумбия терма жамоасининг собиқ футболчиси Хамес Родригес фаолиятини Аргентинада давом эттириши мумкин.
Журналист Руди Галетти ўзининг ижтимоий тармоқларида хабар беришича, "Бока Хуниорс" клуби футболчининг хизматларига қизиқиш билдирмоқда.
Колумбиялик футболчи ҳозирда “Сан-Паулу”да ўйнамоқда. Хамес 2014 йилдан 2020 йилгача "Реал"да ўйнагани билан танилган.
Умуман олганда, ярим ҳимоячи "Лос-Бланкос" таркибида 125 та ўйин ўтказиб, 37 та гол ва 42 та голли узатмани амалга оширган.
