Давид Алаба тиззасидан янги операция қилинди.
2023 йилнинг декабрь ойида "Реал Мадрид" ҳимоячиси Ла Лига доирасида "Вильярреал"га қарши ўйинда чап тиззасида олдинги хоч боғлами йиртилган ва кейин операция қилинган эди. Аввалроқ футболчи 2024/25 йилги мавсумнинг сентябрь ёки октябрь ойларидагина майдонга қайтиши мумкинлиги хабар қилинганди.
Алаба имкон қадар тезроқ тикланиш учун ишлашда давом этди ва Австрия ва Мадридда бир нечта мутахассислар қабулига ташриф буюрди. Охирги текширувлардан бирида мутахассислар футболчига янги операция учун клиникага қайтишни тавсия қилишган.
Операция кичик эди, Давиднинг тиззаси фақат "тозаланган". У австрияликнинг тикланишини икки ҳафтадан кўп бўлмаган муддатга кечиктириши кутилмоқда.
Алаба Австрия терма жамоасида Евро-2024да аниқ ўйнамаслигига қарамай, Ральф Рангник таклифига биноан терма жамоа қароргоҳига қўшилиши мумкин.
