Яқинда Килиан Мбаппе мавсум якунида "ПСЖ"ни тарк этишини эълон қилди. Юлдуз француз тез орада "Реал" футболчисига айланиши аниқ бўлди. Бу ҳақда Чемпионлар лигаси финалидан сўнг расман эълон қилиниши кутилмоқда.

Madrid Universal нашрининг хабар беришича, Мбаппе "Реал Мадрид"да иккита муҳим чўққи Чемпионлар лигаси ва "Олтин тўп"ни забт этишни режалаштирмоқда.

Хабарингиз бор, миш-мишлар Килиан Мбаппени кўп йиллар давомида "Реал"га боғлаб келган. Ўз вақтида франциялик футболчи Мадрид суперклубида ўйнаш истаги ҳақида гапирганди. Мбаппенинг орзуси ушаладиган пайт яқин қолди.