"Бавария" бош мураббийи Томас Тухель мюнхенлик ярим ҳимоячи Леон Горецканинг Германия терма жамоасига 2024 йилги Европа чемпионатига чақирилмагани ҳақида гапирди.
"У Евро-2024 учун Германия терма жамоасида бўлмаслигини олдиндан билган. Менинг ёрдамчиларим у билан гаплашди. Бу унга катта ёрдам берадими, билмайман. У биз учун жуда муносиб мавсум ўтказди, жумладан, турли ролларда. Ишончим комилки, Леон жамоага кириш учун ҳамма нарсани қилган", - дея Тухелнинг сўзларини келтиради "Бавария" расмий сайти.
Жорий мавсумда Горецка 41 та ўйин ўтказиб, 6 та гол урди ва 11 та голли узатмани амалга оширди.
