Мадриднинг “Реал” клуби дарвозабони Тибо Куртуа тиззасидаги иккита операциядан кейинги ҳолати ҳақида гапирди. Бельгиялик футболчи формаси янада яхшиланганига ишонмоқда.
“Мен ўзимни жуда яхши ҳис қиляпман. Баъзи одамлар менинг қандай қайтишимга шубҳа қилишларини тушунаман, лекин мен кучли қайтишимни билардим. Ҳали ҳам ўша Куртуа ёки ундан ҳам яхшироқман. Қаттиқ ишлашда ва яхшиланишда давом этаман.
Учта ўйин ўтказганимдан хурсандман. Иккинчи жароҳатдан кейин ўйнашимни билмасдим. "Кадис"га қарши ўйнаганман ва икки марта "Бернабеу"даги ўйинлардан завқ олганимдан жуда хурсандман. Жуда бахтли одамман ва ўзимнинг энг яхши даражамга эришиш учун ишлашда давом этишим керак", - дея дарвозабоннинг сўзларидан иқтибос келтиради "Реал" расмий сайти.
