Madridning “Real” klubi darvozaboni Tibo Kurtua tizzasidagi ikkita operasiyadan keyingi holati haqida gapirdi. Belgiyalik futbolchi formasi yanada yaxshilanganiga ishonmoqda.

“Men o‘zimni juda yaxshi his qilyapman. Ba’zi odamlar mening qanday qaytishimga shubha qilishlarini tushunaman, lekin men kuchli qaytishimni bilardim. Hali ham o‘sha Kurtua yoki undan ham yaxshiroqman. Qattiq ishlashda va yaxshilanishda davom etaman.

Uchta o‘yin o‘tkazganimdan xursandman. Ikkinchi jarohatdan keyin o‘ynashimni bilmasdim. "Kadis"ga qarshi o‘ynaganman va ikki marta "Bernabeu"dagi o‘yinlardan zavq olganimdan juda xursandman. Juda baxtli odamman va o‘zimning eng yaxshi darajamga erishish uchun ishlashda davom etishim kerak", - deya darvozabonning so‘zlaridan iqtibos keltiradi "Real" rasmiy sayti.