Мадриднинг “Реал” клуби ярим ҳимоячи Тони Кроосга янги шартнома борасида расмий таклиф юборди.
Журналист Хосе Феликс Диаснинг ёзишича, немис футболчиси келаси мавсум охиригача амал қиладиган янги шартнома имзолашга яқин турибди.
34 ёшли Кроос жорий мавсумда "Реал"нинг асосий ўйинчиларидан бири бўлди. У Ла Лигада битта гол урди ва саккизта голли узатмани амалга оширди.
Тони "қироллик клуби"га Испания чемпионлигини қўлга киритиш ва Чемпионлар лигаси финалига чиқишга ёрдам берганди, у ерда Карло Анчелотти жамоаси 1 июнь куни Дортмунднинг "Боруссия"си билан ўйнайди.
