«Барселона» ярим ҳимоячиси Серхио Бускетс «Cаnаl Мovistar» телеканалига интервью берар экан жамоа бош мураббийи Тито Виланованинг қайтиши футболчиларга жуда яхши таъсир кўрсатганини таъкидлади.
«Умид қиламанки, яна ўзимизни тиклаб оламиз. Титонинг йўқлиги билинди. У бизга керак эди.
Роурага келадиган бўлсак, ундан ортиқ ҳеч нарса талаб қила олмаймиз. У керакли вақтда биз билан бирга бўлди. Матбуот анжуманларида ҳам у бизга керак эди. Ундан нима талаб қилинган бўлса, барчасини қилди»,- дейди Бускетс.