Кеча, 19-май куни Англия премьер-лигасининг 38-тур учрашуви бўлиб ўтди ва унда “Манчестер Сити” ва “Вест Хэм Юнайтед” жамоалари тўқнаш келишди.
Жамоалар Англиянинг Манчестер шаҳридаги “Этиҳад Стэдиум”да (Манчестер шаҳри) майдонга тушишди. “Манчестер Сити” 3:1 ҳисобида ғалаба қозониб, мамлакат чемпионига айланди.
Англиялик ярим ҳимоячи Фил Фоден "шаҳарликлар" сафида дубл қайд этди. У жорий мавсумда жарима майдончаси ташқарисидан жами 6 та гол урди, бу “Манчестер Сити” футболчиларининг Премьер-лига тарихидаги энг яхши кўрсаткичи ҳисобланади, деб хабар беради Squawka.
