Португалиялик мутахассис Жозе Моуриньо фаолиятини Туркияда давом эттириши мумкин, деб хабар бермоқда "Goal".
Манба берган хабарга кўра, 61 ёшли португалиялик мутахассисга «Фенербахче» ва «Бешиктош» клублари қизиқиш билдирмоқда.
Аввалроқ Моуриньо «Манчестер Юнайтед»ни яна бир бор бошқармоқчи экани ҳақида хабар берилганди. Португалиялик бошчилигида манкунианликлар Европа Лигаси, шунингдек, Лига кубоги ва Англия Суперкубоги соҳибига айланишган.
Моуриньонинг сўнгги иш жойи Италиянинг «Рома» клуби бўлган. Мутахассис шу йилнинг январь ойидан буён жамоасиз.
