Лондоннинг “Арсенал” клуби марказий ҳимоячиси Уильям Салиба Англия Премьер-лигаси рекорди муаллифига айланди. Франциялик футболчи мавсумдаги барча 38 учрашувнинг бир дақиқасини ҳам ўтказиб юбормаган. Майдонда ўтказилган умумий вақт 3420 дақиқани ташкил этди.
Аввалроқ “канонирлар”нинг собиқ футболчиси Ли Диксон ҳам худди шундай натижани кўрсатганди. Аммо бу 1989/1990 йилги мавсумда, Премьер-лига ташкил этилишидан икки йил олдин содир бўлди.
23 ёшли француз Англия чемпионатининг 38 учрашувида иккита гол урди, битта голли узатмани амалга оширди ва тўртта сариқ карточка олди.
Мавсум якунида “Арсенал” биринчи ўринни “Манчестер Сити”га бой бериб, иккинчи ўринни эгаллади.
