Londonning “Arsenal” klubi markaziy himoyachisi Uilyam Saliba Angliya Premyer-ligasi rekordi muallifiga aylandi. Fransiyalik futbolchi mavsumdagi barcha 38 uchrashuvning bir daqiqasini ham o‘tkazib yubormagan. Maydonda o‘tkazilgan umumiy vaqt 3420 daqiqani tashkil etdi.
Avvalroq “kanonirlar”ning sobiq futbolchisi Li Dikson ham xuddi shunday natijani ko‘rsatgandi. Ammo bu 1989/1990 yilgi mavsumda, Premyer-liga tashkil etilishidan ikki yil oldin sodir bo‘ldi.
23 yoshli fransuz Angliya chempionatining 38 uchrashuvida ikkita gol urdi, bitta golli uzatmani amalga oshirdi va to‘rtta sariq kartochka oldi.
Mavsum yakunida “Arsenal” birinchi o‘rinni “Manchester Siti”ga boy berib, ikkinchi o‘rinni egalladi.
