«Monako» futbolchisi Magnes Akliush «Pari Sen-Jermen»ga o‘tish arafasida turibdi.
Parijliklar Fransiya terma jamoasi futbolchisi uchun uchinchi taklifni yuborishdi va u tez orada qabul qilinishi kutilmoqda. Jurnalist Abdella Bulma ma’lumotlariga ko‘ra, klublar o‘rtasidagi muzokaralar yakuniy bosqichda. 24 yoshli vingerning transfer qiymati 45-50 million yevroga baholanmoqda.
Akliush o‘tgan mavsumda «Monako» safida 43 ta o‘yinda 7 ta gol va 11 ta golli uzatmaga mualliflik qilgan. Fransiya terma jamoasi safida esa Magnes jami o‘nta o‘yinda maydonga tushib (shu jumladan, JCH-2026 da bitta o‘yin), bitta gol va ikkita assist qayd etgan.
