«Интер Майами» президенти Дэвид Бекхэм ўз жамоаси ҳужумчиси Лионель Месси ҳақида фикр билдирди.
Британиялик аргентиналикнинг келиши маҳаллий спорт ривожида катта рол ўйнашини айтди.
«У нафақат майдонда, балки унинг ташқарисида ҳам катта аҳамиятга эга. Лео жамоага нафақат совринларни ютиш, балки академия болаларининг ривожланишига ҳам ёрдам беради. У Америка бўйлаб саёҳат қилганда ҳар бир ёш йигит билан учрашишга интилади. У шундай одам», - дея Бекхэмнинг сўзларини келтиради "AS".
Лионель Месси 2023 йилнинг июлида «Интер Майами»га ўтган эди. 36 ёшли аргентиналик футболчи Америка жамоаси сафида барча мусобақаларда 25 ўйинда майдонга тушиб, 23 гол ва 16 голга ассистентлик қилган.