«Inter Mayami» prezidenti Devid Bekxem o‘z jamoasi hujumchisi Lionel Messi haqida fikr bildirdi.
Britaniyalik argentinalikning kelishi mahalliy sport rivojida katta rol o‘ynashini aytdi.
«U nafaqat maydonda, balki uning tashqarisida ham katta ahamiyatga ega. Leo jamoaga nafaqat sovrinlarni yutish, balki akademiya bolalarining rivojlanishiga ham yordam beradi. U Amerika bo‘ylab sayohat qilganda har bir yosh yigit bilan uchrashishga intiladi. U shunday odam», - deya Bekxemning so‘zlarini keltiradi "AS".
Lionel Messi 2023 yilning iyulida «Inter Mayami»ga o‘tgan edi. 36 yoshli argentinalik futbolchi Amerika jamoasi safida barcha musobaqalarda 25 o‘yinda maydonga tushib, 23 gol va 16 golga assistentlik qilgan.