Черногория терма жамаоси ва «Ювентус» клуби ҳужумчиси Мирко Вучинич жаҳон чемпионати саралаши доирасида ўтказилган Англия терма жамоасига қарши ўйин ҳақида ўз фикрларини билдирди.
«Бу турда қўлга киритилган очко ғалабага тенг бўлди. Олдинда яна тўртта ўйин бор. Ҳозир биз гуруҳда биринчи ўринда турибмиз. Демак биз Бразилия ҳақида ўйласак ҳам бўлади»,- дея футбочининг сўзларидан иқтибос келтиради УЕФА расмий сайти.
Эслатиб ўтамиз, Англия ва Черногория терма жамоалари жаҳон чемпионати саралашининг охирги босқичида Н гуруҳида баҳс олиб боришмоқда. Англия гуруҳ етакчиси Черногориядан икки очкога ортда қолмоқда.













