Мадриднинг “Реал” клуби ярим ҳимоячиси Лука Модрич Саудия Арабистонидан келган фойдали таклифлардан васвасага тушмади. Яқинда маълум бўлишича, хорватиялик футболчи ниҳоят "Реал"да қолишга қарор қилган ва клуб у билан янги бир йиллик шартнома имзолайди.
Журналист Хосе Феликс Диаснинг ёзишича, 38 ёшли ярим ҳимоячи аввалига Саудия Арабистонига ўтишга қизиқмаган. Юлдуз футболчи кўплаб миш-мишларга қарамай, клубда ўйнашни давом эттирмоқчи эди.
Лука Модрич жорий мавсумда Карло Анчелотти жамоаси сафида 44 та ўйинда майдонга тушиб, 2 та гол ва 8 та голли узатмани амалга оширди.
