Туркиянинг «Галатасарой» клуби ярим ҳимоячиси Ҳамид Олтинтўп чемпионлар лигаси 1/4 финали доирасдаги «Реал»га қарши ўйини ҳақида фикр билдирди.
«Мен «Реал» мухлисларига ҳақиқий Олтинтўпни кўрсатишга умид қилмоқдаман. Мен «Галатасарой»га бекорга келганим йўқ. Клубда менга яхши шароитлар яратиб беришди. Ўз юртимда футбол ўйнаш ёқимли. Шу боисдан ҳам таклифни рад этмадим.
Мадридда ёмон хотиралар қолган дея айта олмайман. Мен фақат яхши нарсалар ҳақида ўйлайман. Роналду, Хаби, Рамос, Бензема ва Касильяс каби футболчилар билан бирга тўп сурганимдан хурсандман.
Бизнинг жамоа тўп узатишларга асосланган ўйин кўрсатади. Биз Туркиянинг «Барселона»симиз. Лекин жамоанинг энг яхши томони биз уч хил турдаги ўйин услубидан фойдаланамиз. Мадридда ҳам биз ҳужум қиламиз»,- дейди футболчи.