Миланнинг “Интер” клуби ярим ҳимоячиси Генрих Мхитарян фаолиятини якунлагач, нима қилишни режалаштираётгани ҳақида гапириб берди.
"Мен ўзимни банд қиламан, кунига 24 соат уйда ўтира олмайман. Мен таомлар пиширишни, саёҳат қилишни ва соғлом бўлишни ўрганмоқчиман. Семиз йигит бўлишни хоҳламайман. Мураббийлик курсларига ёзиламан, лекин мураббий бўлишни хоҳлайманми ёки йўқми, билмайман", - дейди Мхитарян.
Арманистонлик футболчи 2022 йилдан буён “Интер” сафида тўп тепади. Унинг клуб билан шартномаси 2026 йилгача мўлжалланган. Якунланган мавсумда Мхитарян барча турнирларда 46 та учрашувда қатнашиб, 2 та гол ва 11 та голли узатмани амалга оширди.
