«МЮ»нинг натижалари ўз йўлига...

Sportico спорт-бизнес портали жаҳон футболидаги энг қимматбаҳо клублар рейтингини янгилади.

Унда 1-ўринга охирги йиллар АПЛда ишлари сира юришмаётган «МЮ» қўйилди. Манчестер жамоасининг қиймати 6,2 миллиард долларга тенг. Кейинги ўринлар эса Испания грандларига тегишли: «Реал» (6,06 миллиард доллар) ва «Барселона» (5,28 миллиард доллар).

Тушунарлики, бундай рейтингларни шакллантиришда кўплаб критерияларга эътибор қаратилади. Ҳа, ҳозирда «МЮ» спорт натижалари билан сира мақтанолмайди. Ҳар ҳолда, Эрик тен Хаг бошқарувидаги жамоа жорий мавсум ЧЛ гуруҳ босқичида сўнгги ўринни банд этди. Қолаверса, АПЛ якуни бўйича клублар миқёсидаги асосий еврокубокнинг навбатдаги мусобақасида ҳам ўйнамайди. Шунга қарамай, Sportico гуруҳи ҳисоб-китобларига кўра, айнан «МЮ» дунёнинг энг қимматбаҳо клуби бўлиб турибди.

Алоҳида қайд этиш керак, Sportico рейтинги клубларнинг молиявий ҳисоботи ва футбол бизнеси мутахассислари маълумотларига асосланган. Оддий айтганда, тадқиқотда молиявий ҳисоботлар, банклар, сармоядорлар, молиявий маслаҳатчилар тақдим этган маълумотлар инобатга олинган.

ЖАҲОН ФУТБОЛИНИНГ ЭНГ

 ҚИММАТБАҲО 20та КЛУБИ

1. «МЮ» - 6,2 млрд. доллар

2. «Реал» - 6,06 млрд. доллар

3. «Барселона» - 5,28 млрд. доллар

4. «Ливерпуль» - 5,11 млрд. доллар

5. «Бавария» - 4,8 млрд. доллар

6. «Манчестер Сити» - 4,75 млрд. доллар

7. «ПСЖ» - 4,05 млрд. доллар

8. «Арсенал» - 3,91 млрд. доллар

9. «Тоттенхэм» - 3,49 млрд. доллар

10. «Челси» - 3,47 млрд. доллар

11. «Ювентус» - 1,77 млрд. доллар

12. «Боруссия» Д. - 1,64 млрд. доллар

13. «Атлетико» - 1,62 млрд. доллар

14. «Милан» - 1,2 млрд. доллар

15. «Лос-Анжелес» - 1,15 млрд. доллар

16. «Интер» - 1,06 млрд. доллар

17. «Атланта Юнайтед» - 1,05 млрд. доллар

18. «Интер Майами» - 1,02 млрд. доллар

19. «Лос-Анжелес Гэлэкси» - 1 млрд. доллар

20. «Нью-Йорк Сити» - 840 млн. доллар