Эрон чемпионатининг 29-тур баҳслари 28 май куни бўлиб ўтди.

Унда пешқадам “Персеполис” (65) сафарда “Шамс Азар”ни мағлубиятга учратди. Остон Ўрунов сўнгги 4 ўйиндаги 4-голини урди.

2-ўриндаги “Истиқлол” (64) эса Теҳронда “Сириян”дан минимал ҳисобда устун келди. Жалолиддин Машарипов асосий таркибда майдонга тушди.

Чемпионатнинг сўнгги тури 1 июнь куни бўлиб ўтади. Чемпионат якунига кўра ўзбекистонлик футболчилардан бири чемпионга айланади. Ҳал қилувчи ўйинда  “Персеполис” ўз майдонида “Мес”ни қабул қилса, “Истиқлол” “Payкон” клуби меҳмони бўлади.

Эрон чемпионати, 29-тур баҳси
28 май, сешанба
“Шамс Азар” — “Персеполис” 1:3
Голлар: Папи (51) — Ўрунов (19), Риги (57), Жафарпур (90, автогол).

“Истиқлол” — “Сириян” 1:0
Гол: Чашмий (45+2).