"Лейпциг" ярим ҳимоячиси Дани Ольмога бешта топ-клуб қизиқиш билдирмоқда.
Mundo Deportivo нашри хабарига кўра, Испания терма жамоаси ярим ҳимоячиси "Барселона", "Манчестер Юнайтед", "Манчестер Сити", "Ливерпуль" ва "Бавария"нинг нишонида.
Эътиборли томони, Ольмонинг шартномасида ёзги трансфер ойнасида амал қиладиган озод қилиш банди бор. Аввалроқ ярим ҳимоячининг сотиб олиш суммаси 60 миллион евро атрофида эканлиги хабар қилинганди. Охирги Бундеслигада Ольмо 4 та гол урди ва 5 та голли узатмани амалга оширди. Айни пайтда 26 ёшли Дани Испания терма жамоаси сафида Европа чемпионатида иштирок этишга тайёрланмоқда.
